fitne ajab tarah ke saman-jaar se uThe
saare parind shaakh-e-samar-daar se uThe
diivaar ne kubool kiyaa sail-e-noor ko
saae tamaam-tar pas-e-diivaar se uThe
jin kii numoo men thii n muaavin havaa koii
aise bhii gul jmiin-e-khaas-o-khaar se uThe
tasliim kii sarisht bas iijaab o kubool
saare savaal juraat-e-inkaar se uThe
shahar-e-taallukaat men uDatii hai jin se khaak
fitne vo sab raoonat-e-pindaar se uThe
aankhon ko dekhane kaa saliikaa jab aa gayaa
kitane nakaab cheharaa-e-asaraar se uThe
tasviir-e-gard ban gayaa 'akabar' chaman tamaam
kaise gubaar vaadii-e-kohasaar se uThe.
Subscribe to:
Post Comments (Atom)
No comments