jab meraa har jakhm gahraa ho gayaa
dard se puranoor cheharaa ho gayaa
ek ktare kaa karishmaa dekhie
is kadar taDpaa ke dariyaa ho gayaa
shaam ke kaandhe pe sooraj kyaa jhukaa
saarii duniyaa men andheraa ho gayaa
chaand utaraa jab hamaare sahan men
chaahaton kaa rang sunheraa ho gayaa
jab thake-maandon ko niind aane lagii
ek jhapakii men saveraa ho gayaa
jindagii jhariilii naagin hai ‘ajiij’
is ke piichhe kyoon sanperaa ho gayaa
Subscribe to:
Post Comments (Atom)
No comments