maddaah kaun ho ki main saabik vajiir hoon
chup hain ksiidaa-go ki main saabik vajiir hoon
kal tak mujhe thaa tum se mulaakaat se gurej
ab shauk se milo ki main saabik vajiir hoon
aagaaj ye thaa mujh se sabak paDhte the avaam
anjaam dekh lo ki main saabik vajiir hoon
daanish-var o adiib o mudiir o sahaafiyonbsp;!
mere lie likho ki main saabik vajiir hoon
koii nahiin to tum to raho mere ham-kdam
ai mere saabiko ki main saabik vajiir hoon
yas-main the jo log ab un kii taraf se bhii
har baat par hai 'no' ki main saabik vajiir hoon
mumakin hai mujh se saabikaa aaindaa fir paDe
'us vakt se Daro' ki main saabik vajiir hoon
ai taalibaan-e-ilm siyaasat ke baab men
mujh se sabak paDho ki main saabik vajiir hoon
merii khbar n denaa magar ai sahaafiyonbsp;!
foTo to khench lo ki main saabik vajiir hoon
main ne hii apane mulk kii daulat ko looTaa hai
ye bahas mat karo ki main saabik vajiir hoon
Subscribe to:
Post Comments (Atom)
No comments