aaj sadkon par likhe hain saikaDon naare n dekh,
par andheraa dekh too aakaash ke taare n dekh .
ek dariyaa hai yahaan par door tak failaa huaa,
aaj apane baajuon ko dekh patavaaren n dekh .
ab yakiinan Thos hai dharatii hakiikt kii tarah,
yah hakiikt dekh lekin khauf ke maare n dekh .
ve sahaare bhii nahiin ab jang laDnii hai tujhe,
kaT chuke jo haath un haathon men talavaaren n dekh .
ye dhundhalakaa hai najr kaa too mahaj maayoos hai,
rojanon ko dekh diivaaron men diivaaren n dekh .
raakh kitanii raakh hai, chaaron taraf bikhrii huii,
raakh men chinagaariyaan hii dekh angaare n dekh .
Subscribe to:
Post Comments (Atom)
No comments