adaa-e-hairat-e-aaiinaa-gar bhii rakhate hain
hamen n chheD ki ab tak najr bhii rakhate hain
n gird-o-pesh se is darjaa be-niyaaj gujr
jo be-khbar se hain sab kii khbar bhii rakhate hain
kahaan gayaa tirii mahafil men jom-e-diid-varaan
ye hausalaa to yahaan kam-najr bhii rakhate hain
kfs ko khol magar itanaa soch le sayyaad
bahut asiir tere baal-o-par bhii rakhate hain
friishtaa hai to takddus tujhe mubaarak ho
ham aadamii hain to aib-o-hunar bhii rakhate hain
khushaa-nasiib ki diivaane hain to ham ai ‘dil’
kamaal-e-nisbat-e-diivaanaa-gar bhii rakhate hain
Subscribe to:
Post Comments (Atom)
No comments