dil-o-dimaaG ko ro lungaa aah kar lungaa
tumhaare ishq mein sab kuchh tabaah kar lungaa
agar mujhe na milii.n tum tumhaare sar kii qasam
main apani saari javaani tabaah kar luungaa
mujhe jo dair-o-haram me.n kahii.n jagah na milii
tere Khayaal hii ko sajdaagaah kar luu.Ngaa
[sajdagaah=place of worship]
jo tum se kar diyaa maharuum aasmaa.N ne mujhe
mai.n apanii zindagii sarf-e-gunaah kar luu.Ngaa
[maharuum=deprived; sarf-e-gunaah=submitted to sin]
raqiib se bhii miluu.Ngaa tumhaare hukm pe mai.n
jo ab talak na kiyaa thaa ab aah kar luu.Ngaa
[raqiib=rival]
tumhaarii yaad me.n mai.n kaaT duu.Ngaa hashr ke din
tumhaare hijr me.n raate.n siyaah kar luu.Ngaa
hariim-e-hazarat-e-salamaa kii simt jaataa huu.N
huaa na zabt to chupake se aah kar luu.Ngaa
ye naubahaar ye abr-o-havaa ye rang-e-sharaab
chalo jo ho so ho ab to gunaah kar luu.Ngaa
kisii hasiinaa ke maasuum ishq me.n "Akhtar"
javaanii kyaa hai mai.n sab kuchh tabaah kar luu.Ngaa
Subscribe to:
Post Comments (Atom)
No comments