paanvon se sir tak jaise ek janoon
betaratiibii se baDhe hue naakhoon
kuchh TeDhe-meDhe bainge daagil paanv
jaise koii eTam se ujaDaa gaanv
Takhane jyon mile hue rakkhe hon baans
piNDaliyaan ki jaise hilatii-Dulatii kaans
kuchh aise lagate hain ghuTanon ke joD
jaise oobaD-khaabaD raahon ke moD
gaTTon-sii janghaaen niSpraaN maliin
kaTi, riitikaal kii sudhiyon se bhii kSiiN
chhaatii ke naam mahaj haDDii das-biis
jis par gin-chun kar baal khaDe ikkiis
puTThe hon jaise sookh gae amarood
chukataa karate-karate jiivan kaa sood
baanhen Dhiilii-Dhaalii jyon TooTii Daal
anguliyaan jaise sookhii huii puaal
chhoTii-sii garadan rang behad badarang
haravakt pasiine kaa badaboo kaa sang
pichakii amiyon se gaal laTe se kaan
aankhen jaise tarakash ke khuTTal baan
maathe par chintaaon kaa ek samooh
bhaunhon par baiThii haradam yam kii rooh
tinakon se uDte rahane vaale baal
vidyut parichaalit makhanaatiisii chaal
baiThe to fir ghaNTon jaate hain biit
sochate pyaar kii riit bhaviSy atiit
kitane ajiib hain inake bhii vyaapaar
inase milie ye hain duSyant kumaar .
Subscribe to:
Post Comments (Atom)
No comments