ye aalam shauq kaa dekhaa na jaaye
vo but hai yaa Khudaa dekhaa na jaaye
ye kin nazaro se tum ne aaj dekhaa
ke teraa dekhanaa dekha naa jaaye
hameshaa ke liye mujh se bichha.D jaa
ye manzar baarahaa dekhaa na jaaye
Galat hai jo sunaa par aazamaa kar
tujhe ai baavafaa dekhaa na jaaye
ye maharuumi nahii paas-e-vafaa hai
koi tere sivaa dekhaa na jaaye
yahii to aashnaa banate hai aaKhir
koi naa_aashnaa dekhaa na jaaye
'Faraz' apane sivaa hai kaun teraa
tujhe tujh se judaa dekhaa na jaaye
Subscribe to:
Post Comments (Atom)
No comments