dariyaon par abr barasate rahate hain
aur hamaare khet tarasate rahate hain
apana hee veeraanee se kuchh rishta hai
varana dil bhee ujadate basate rahate hain
unako bhee pahachaan banaanee hai apanee
auron par aavaazen kasate rahate hain
bachche kaise uchhalen, kooden, jast bharen
un kee peeth pe bhaaree basate rahate hain
unake dil mein jhaanken ik din ham aalam
jin ke haathon mein guladaste rahate hain
Subscribe to:
Post Comments (Atom)
No comments