jhanjhaavaat vishad peedaa kaa uThataa hai jab,
hotaa hai aabhaas hRiday faT jaayegaa.
ek madhu muskaan paakar;
aayu-bhar aansoo bahaaye,
tilamilaaye, sakapakaaye.
ek madhumay giit gaakar,
shail vipadaa ke uThaaye॥
viiNaa-taaron se svar kabhii ubharataa hai jab.
hotaa hai aabhaas hRiday faT jaayegaa॥
svapn the kitane sajaaye;
neh-aashaa men hRidayavar!
kintu mere praaN-madhukar,
paan ras kaa kar n paaye,
rah gayaa jiivan bikharakar॥
asafal chaahon kaa aramaan sisakataa hai jab.
hotaa hai aabhaas hRiday faT jaayegaa॥
Subscribe to:
Post Comments (Atom)
No comments