do palon kaa madhu milan viSamay virah men Dhal gayaa.
shashi udit ho hii rahaa thaa,
baadalon ne aan gheraa.
haa! kunaarii rashmiyon ko,
gras gayaa nirmam andheraa॥
ho gaye vismit pathik do,
ho uThe antar vikal-se.
bujh gayiin man kii umangen,
yon ki jyon paavak salil se॥
chhooT premii ke karon se premikaa-aanchal gayaa.
do palon kaa madhu milan viSamay virah men Dhal gayaa॥
aa gayii ooSaa naviinaa,
chhanT gaye baadal gagan se.
patr-dal madhu lahariyon-sam,
ho uThe jhankRit pavan se॥
snigdh, puSpit vaaTikaa men,
bhRing-dal ke giit paakar॥
ban gayiin sukumaar kaliyaan
puSp, nav sangiit paakar॥
kintu lagate hii prabhaakar-taap jiivan gal gayaa.
do palon kaa madhu milan viSamay virah men Dhal gayaa॥
Subscribe to:
Post Comments (Atom)
No comments