jigar ke TukaDe hue jal ke dil kabaab huaa
ye ishk jaan ko mere koii ajaab huaa.
kiyaa jo ktl mujhe tum ne khoob kaam kiyaa
ke main ajaab se chhooTaa tumhen savaab huaa.
kabhii to sheftaa us ne kahaa kabhii shaidaa
graj ke roj nayaa ik mujhe khitaab huaa.
pioon n rashk se khoon kyoonke dam-b-dam apanaa
ke saath gair ke vo aaj ham-sharaab huaa.
tumhaare lab ke lab-e-jaam ne lie bose
lab apane kaaTaa kiyaa main n kaamayaab huaa.
galii galii terii khaatir firaa b-chashm-e-pur-aab
lagaa ke tujh se dil apanaa bahut khraab huaa.
terii galii men bahaae fire hai sail-e-sarashk
hamaaraa kaasaa-e-sar kyaa huaa hubaab huaa.
javaab-e-kht ke n likhane se ye huaa maaloom
ke aaj se hamen ai naamaa-bar javaab huaa.
mangaaii thii terii tasviir dil kii tasakiin ko
mujhe to dekhate hii aur ijtiraab huaa.
sitam tumhaare bahut aur din hisaab kaa ek
mujhe hai soch ye hii kis tarah hisaab huaa.
‘zafar’ badal ke radiif aur too gjl vo sunaa
ke jis kaa tujh se har ik sher intikhaab huaa.
Subscribe to:
Post Comments (Atom)
No comments