jo yoon hii lahajaa-lahajaa daag-e-hasarat kii tarakkii hai
ajab kyaa, raftaa-raftaa main saraapaa soorat-e-dil hoon
madad-ai-rahanumaa-e-gumarahaan is dasht-e-gurbat men
musaafir hoon, pariishaan haal hoon, gumakardaa manjil hoon
ye mere saamane shekh-o-barahaman kyaa jhagaDte hain
agar mujh se koii poochhe, kahoon donon kaa kaayal hoon
agar daavaa-e-yak rangiin karoon, naakhush n ho jaanaa
main is aaiinaakhaane men teraa aks-e-mukaabil hoon
Subscribe to:
Post Comments (Atom)
No comments