baat karanii mujhe mushkil kabhii aisii to n thii
jaisii ab hai terii mahafil kabhii aisii to n thii
le gayaa chhiin ke kaun aaj teraa sabr-o-kraar
bekraarii tujhe ai dil kabhii aisii to n thii
chashm-e-kaatil merii dushman thii hameshaa lekin
jaise ab ho gaii kaatil kabhii aisii to n thii
un kii aankhon ne khudaa jaane kiyaa kyaa jaadoo
ke tabiiyat merii maail kabhii aisii to n thii
aks-e-rukh-e-yaar ne kis se hai tujhe chamakaayaa
taab tujh men maah-e-kaamil kabhii aisii to n thii
kyaa sabab too jo bigaDtaa hai "jfr" se har baar
khoo terii hoor-e-shamaail kabhii aisii to n thii
Subscribe to:
Post Comments (Atom)
No comments