na daraveshon kaa khirkaa chaahie na taaj-e-shaahaanaa
mujhe to hosh de itanaa rahoon main tujh pe diivaanaa.
kitaabon men dharaa hai kyaa bahut likh likh ke dho Daaliin
hamaare dil pe naksh-e-kal-hajr hai teraa framaanaa.
gniimat jaan jo dam gujare kaifiyat se gulashan men
die jaa saakii-e-paimaan-shikan bhar bhar ke paimaanaa.
n dekhaa vo kahiin jalavaa jo dekhaa khaanaa-e-dil men
bahut masjid men sar maaraa bahut saa DhoonDhaa but-khaanaa.
kuchh aisaa ho ke jis se manjil-e-maksood ko pahunchoon
tariik-e-paarasaaii hove yaa ho raah-e-rindaanaa.
ye saarii aamad-o-shud hai nafs kii aamad-o-shud par
isii tak aanaa jaanaa hai n fir jaanaa n fir aanaa.
'Zafar' vo jaahid-e-be-dard kii hoo-hak se behatar hai
kare gar rind dard-e-dil se haav-hu-e-mastaanaa.
Subscribe to:
Post Comments (Atom)
No comments