nibaah baat kaa us hiilaa-gar se kuchh na huaa
udhar se kyaa n huaa par idhar se kuchh na huaa.
javaab-e-saaf to laataa agar n laataa kht
likhaa nasiib kaa jo naamaa-bar se kuchh na huaa.
hameshaa fitane hii barapaa kie mere sar par
huaa ye aur to us fitanaa-gar se kuchh na huaa.
balaa se giryaa-e-shab too hii kuchh asar karataa
agarache ishk men aah-e-sahar se kuchh na huaa.
jalaa jalaa ke kiyaa shammaa saan tamaam mujhe
bas aur to mujhe soj-e-jigar se kuchh na huaa.
rahiin adoo se vahii garm-joshiyaan us kii
is aah-e-sard aur is chashm-e-tar se kuchh n huaa.
uThaayaa ishk men kyaa kyaa n dard-e-sar main ne
husool par mujhe us dard-e-sar se kuchh na huaa.
shab-e-visaal men bhii merii jaan ko aaraam
ajiijo dard-e-judaaii ke Dar se kuchh na huaa.
na dungaa dil use main ye hameshaa kahataa thaa
vo aaj le hii gayaa aur ‘jfr’ se kuchh na huaa.
Subscribe to:
Post Comments (Atom)
No comments