kyaa kuchh na kiyaa aur hain kyaa kuchh nahiin karate
kuchh karate hain aisaa b-khudaa kuchh nahiin karate.
apane marj-e-gm kaa hakiim aur koii hai
ham aur tabiibon kii davaa kuchh nahiin karate.
maaloom nahiin ham se hijaab un ko hai kaisaa
auron se to vo sharm o hayaa kuchh nahiin karate.
go karate hain jaahir ko safaa ahal-e-kudoorat
par dil ko nahiin karate safaa kuchh nahiin karate.
vo dil-barii ab tak merii kuchh karate hain lekin
taasiir tere naale dilaa kuchh nahiin karate.
dil ham ne diyaa thaa tujhe ummiid-e-vafaa par
tum ham se nahiin karate vafaa kuchh nahiin karate.
karate hain vo is tarah ‘zafar’ dil pe jafaaen
jaahir men ye jaano ke jafaa kuchh nahiin karate.
Subscribe to:
Post Comments (Atom)
No comments