sab rang men us gul kii mere shaan hai maujood
gaafil too jraa dekh vo har aan hai maujood.
har taar kaa daaman ke mere kar ke tabarruk
sar-bastaa har ik khaar-e-bayaabaan hai maujood.
uryaanii-e-tan hai ye b-aj-khilaat-e-shaahii
ham ko ye tere ishk men saamaan hai maujood.
kis tarah lagaave koii daamaan ko tere haath
hone ko too ab dast-o-girebaan hai maujood.
letaa hii rahaa raat tere rukh kii balaaen
too poochh le ye julf-e-pareshaan hai maujood.
tum chashm-e-hakiikt se agar aap ko dekho
aaiinaa-e-hak men dil-e-insaan hai maujood.
kahataa hai ‘zafar' hain ye sukhn aage sabhon ke
jo koii yahaan saahab-e-irafaan hai maujood.
Subscribe to:
Post Comments (Atom)
No comments