jaa kahiyo un se nasiim-e-sahar meraa chain gayaa merii niind gaii
tumhen merii n mujh ko tumhaarii khbar meraa chain gayaa merii niind gaii
n haram men tumhaare yaar pataa n suraag der men hai milataa
kahaan jaa ke dekhoon main jaaoon kidhar meraa chain gayaa merii niind gaii
ai baadashaah-e-khbaan-e-jahaan terii mohinii surat pe kurbaan
kii main ne jo terii jabiin pe najr meraa chain gayaa merii niind gaii
huii bad-e-bahaarii chaman men ayaan gul buTii men baakii rahii n fijaa
merii shaakh-e-ummiid n laaii sanvar meraa chain gayaa merii niind gaii
ai bark-e-tajalli bahar-e-khudaa n jalaa mujhe hijr men shammaa saa
merii jiist hai misl-e-chiraag-e-sahar meraa chain gayaa merii niind gaii
kahataa hai yahii ro-ro ke "jfr" merii aah-e-rasaa kaa huaa n asar
tere hijr men maut n aaii abhii meraa chain gayaa merii niind gaii
yahii kahanaa thaa sheron ke aaj "jfr" merii aah-e-rasaa men huaa n asar
tere hijr men maut n aaii magar meraa chain gayaa merii niind gaii
Subscribe to:
Post Comments (Atom)
No comments