kafas men raat sun rahe the simfnii bahaar kii
junoon baDhaa to toD diin sabhii haden hisaar kii
aTaariyon pe aake aaftaab khaansane lagaa
magar kaTii nahiin hai shab hamaare intajaar kii
main khaak ho chukaa hoon ab mujhe jalaanaa chhoD do
nahiin rahii hai baat ab tumhaare akhtiyaar kii
chaDhaa huaa hai raat kaa gilaaf har umiid par
najr men kaise aaye raushanii vo aar-paar kii
vo hans diyaa to fool yoon harik taraf bikhar gae
ki jaise chhooTatii ho fulajhaDii kahiin anaar kii
baDe-baDe darakht bhii jmiin chaaTane lage
main baat kar rahaa hoon ab havaa ke akhtiyaar kii
har ik taraf bichhii hain ab udaasiyon kii kirchiyaan
lahooluhaan hai harik galii mire dayaar kii
vafaa ke naam par hajaar baar khaaiye ksam
ksam se kyaa bane vo baat hai jo aitabaar kii
laDii thii jang paidalon ne apane hausalon se ye
bataaii jaa rahii hai fir bhii jiit shahasavaar kii
Subscribe to:
Post Comments (Atom)
No comments