jab ke pahaloo men hamaare but-e-khud-kaam n ho
girye se shaam o sahar kyoon ke hamen kaam n ho.
le gayaa dil kaa jo aaraam hamaare yaa rab
us dil-aaraam ko mutalak kabhii aaraam n ho.
jis ko samajhe lab-e-paan-khurdaa vo maalidaa-misii
mardumaan dekhiyo foolii vo kahiin shaam n ho.
aaj tashariif gulistaan men vo mai-kash laayaa
kaf-e-nargis pe dharaa kyoonke bhalaa jaam n ho.
kar mujhe ktl vahaan ab ke n ho koii jahaan
taa merii jaan too kahiin khlk men bad-naam n ho.
dekh kar kholiyo too kaakul-e-pechaan kii girah
ke meraa taair-e-dil us ke tah-e-daam n ho.
bin tere ai but-e-khud-kaam ye dil ko hai khtar
tere aashik kaa tamaam aah kahiin kaam n ho.
aaj har ek jo yaaro najr aataa hai niDhaal
apanii abaroo kii vo khiinche hue samasaam n ho.
hai mere shokh kii baaliidaa vo kaafir aankhen
jis ke ham chashm jraa nargis-e-baadaam n ho.
subh hotii hii nahiin aur nahiin kaTatii raat
rukh pe khole vo kahiin julf-e-siyah-faam n ho.
ai ‘Zafar’ charkh pe khurshiid jo yoon kaanpe hai
jalavaa-gar aaj kahiin yaar lab-e-baam n ho.
Subscribe to:
Post Comments (Atom)
No comments