bharii hai dil men jo hasrat kahoon to kis se kahoon
sune hai kaun musiibat kahoon to kis se kahoon.
jo too ho saaf to kuchh main bhii saaf tujh se kahoon
tere hai dil men kudoorat kahoon to kis se kahoon.
n koh-kan hai n majanoon ke the mere ham-dard
main apanaa dard-e-muhabbat kahoon to kis se kahoon.
dil us ko aap diyaa aap hii pashemaan hoon
ke sach hai apanii nadaamat kahoon to kis se kahoon.
kahoon main jis se use hove sunate hii vahashat
fir apanaa kissaa-e-vahashat kahoon to kis se kahoon.
rahaa hai too hii to gm-khvaar ai dil-e-gm-giin
tere sivaa gm-e-furkt kahoon to kis se kahoon.
jo dost ho to kahoon tujh se dostii kii baat
tujhe to mujh se adaavat kahoon to kis se kahoon.
n mujh ko kahane kii taakt kahoon to kyaa ahavaal
n us ko sunane kii fursat kahoon to kis se kahoon.
kisii ko dekhataa itanaa nahiin hakiikt men
‘jfr’ main apanii hakiikt kahoon to kis se kahoon.
Subscribe to:
Post Comments (Atom)
No comments