dekh dil ko mere o kaafir-e-be-piir na toD
ghar hai allaah kaa ye is kii to taamiir na toD.
gul sadaa vaadii-e-vahashat men rakhoongaa barapaa
ai junoon dekh mere paanv kii janjiir na toD.
dekh Tuk gaur se aaiinaa-e-dil ko mere
is men aataa hai najr aalam-e-tasviir na toD.
taaj-e-jr ke lie kyoon shamaa kaa sar kaaTe hai
rishtaa-e-ulft-e-paravaanaa ko gul-giir na toD.
apane bismil se ye kahataa thaa dam-e-najaa vo shokh
thaa jo kuchh ahad so o aashik-e-dil-giir na toD.
raks-e-bismil kaa tamaashaa mujhe dikhalaa koii dam
dast o paa maar ke dam too tah-e-shamashiir n toD.
saham kar ai ‘jfr’ us shokh kamaan-daar se kah
khiinch kar dekh mere siine se too tiir na toD.
Subscribe to:
Post Comments (Atom)
No comments