paan khaa kar surama kii tahariir fir khiinchii to kyaa
jab meraa khoon ho chukaa shamashiir fir khiinchii to kyaa.
ai muhavvis jab ke jr tere nasiibon men nahiin
too ne mehanat bhii pay-e-iksiir fir khiinchii to kyaa.
gar khinche siine se naavak rooh too kaalib se khiinch
ai ajal jab khinch gayaa vo tiir fir khiinchii to kyaa.
khiinchataa thaa paanv meraa pahale hii janjiir se
ai junoon too ne merii janjiir fir khiinchii to kyaa.
daar hii par us ne khiinchaa jab sar-e-baajaar-ishk
laash bhii merii pay-e-tashahiir fir khiinchii to kyaa.
khiinch ab naalaa koii aisaa ke ho us ko asar
too ne ai dil aah-e-pur-taasiir fir khiinchii to kyaa.
chaahie us kaa tasavvur hii se nakshaa khiinchanaa
dekh kar tasviir ko tasviir fir khiinchii to kyaa.
khiinch le avval hii se dil kii inaan-e-ikhtiyaar
too ne gar ai aashik-e-dil-giir fir khiinchii to kyaa.
kyaa huaa aage uThaae gar ‘zafar’ ahasaan-e-akl
aur agar ab minnat-e-tadabiir fir khiinchii to kyaa.
Subscribe to:
Post Comments (Atom)
No comments