jindagii kar gaii toofaan ke havaale mujh ko
ai ajal kashamakash-e-gm se chhuDaa le mujh ko
kuchh to le kaam tagaaful se vafaa ke paikar
ye teraa pyaar kahiin maar n Daale mujh ko
vaah rii kismat ke kahaan manjil-e-maksood milii
jab majaa dene lage paanv ke chhaale mujh ko
aakhirii vakt talak saath andheron ne diyaa
raas aate nahiin duniyaa ke ujaale mujh ko
koii bhii mohasin o rah-bar hii nahiin hai meraa
yoon to 'daanish' hain bahut chaahane vaale mujh ko
Subscribe to:
Post Comments (Atom)
No comments