main hoon aasii ke pur-khtaa kuchh hoon
teraa bandaa hoon ai khudaa kuchh hoon.
jujv o kul ko nahiin samajhataa main
dil men thoDaa saa jaanataa kuchh hoon.
tujh se ulft nibaahataa hoon main
baa-vafaa hoon ke be-vafaa kuchh hoon.
jab se naa-aashanaa hoon main sab se
tab kahiin us se aashanaa kuchh hoon.
nashshaa-e-ishk le uDaa hai mujhe
ab maje men uDaa rahaa kuchh hoon.
khvaab meraa hai ain bedaarii
main to us men bhii dekhataa kuchh hoon.
garache kuchh bhii nahiin hoon main lekin
us pe bhii kuchh n poochho kyaa kuchh hoon.
samajhe vo apanaa khaak-saar mujhe
khaak-e-rah hoon ke khaak-paa kuchh hoon.
chashm-e-altaaf fkhr-e-diin se hoon
ai ‘jfr’ kuchh se ho gayaa kuchh hoon.
Subscribe to:
Post Comments (Atom)
No comments