kyaa kahoon dil maail-e-julf-e-dotaa kyoonkar huaa
ye bhalaa changaa giraftaar-e-balaa kyoonkar huaa.
jin ko meharaab-b-ibaadat ho khm-e-abaroo-e-yaar
un kaa kaabe men kaho sajadaa adaa kyoonkar huaa.
diidaa-e-hairaan hamaaraa thaa tumhaare jer-e-paa
ham ko hairat hai ke paidaa naksh-e-paa kyoonkar huaa.
naamaa-bar kht de ke us nau-kht ko too ne kyaa kahaa
kyaa khtaa tujh se huii aur vo khfaa kyoonkar huaa.
khaak-saarii kyaa ajab khove agar dil kaa gubaar
khaak se dekho ke aaiinaa safaa kyoonkar huaa.
jin ko yakataaii kaa daavaa thaa vo misl-e-aaiinaa
un ko hairat hai ke paidaa doosaraa kyoonkar huaa.
tere daanton ke tasavvur se n thaa gar aab-daar
jo bahaa aansoo vo durr-e-be-bahaa kyoonkar huaa.
jo n honaa thaa huaa ham par tumhaare ishk men
tum ne itanaa bhii n poochhaa kyaa huaa kyoonkar huaa.
vo to hai naa-aashanaa mashahoor aalam men 'jfr'
par khudaa jaane vo tujh se aashanaa kyoonkar huaa.
Subscribe to:
Post Comments (Atom)
No comments