dekho insaan khaak kaa putalaa banaa kyaa chiij hai
bolataa hai is men kyaa vo bolataa kyaa chiij hai.
roo-b-roo us julf ke daam-e-balaa kyaa chiij hai
us nigah ke saamane tiir-e-kjaa kyaa chiij hai.
yoon to hain saare butaan gaarat-gar-e-iimaan-o-diin
ek vo kaafir sanam naam-e-khudaa kyaa chiij hai.
jis ne dil meraa diyaa daam-e-muhabbat men fansaa
vo nahiin maaloom muj ko naasehaa kyaa chiij hai.
hove ik ktaraa jo jharaab-e-muhabbat kaa nasiib
khijr fir to chashmaa-e-aab-e-bakaa kyaa chiij hai.
marg hii sehat hai us kii marg hii us kaa ilaaj
ishk kaa biimaar kyaa jaane davaa kyaa chiij hai.
dil meraa baiThaa hai le kar fir mujhii se vo nigaar
poochhataa hai haath men mere bataa kyaa chiij hai.
khaak se paidaa hue hain dekh rangaa-rang gul
hai to ye naa-chiij lekin is men kyaa kyaa chiij hai.
jis kii tujh ko justujoo hai vo tujhii men hai ‘jfr’
DhoonDhataa fir fir ke to fir jaa-b-jaa kyaa chiij hai.
Subscribe to:
Post Comments (Atom)
No comments