ham ne terii khaatir se dil-e-jaar bhii chhoDaa
too bhii n huaa yaar aur ik yaar bhii chhoDaa.
kyaa hogaa rafoo-gar se rafoo meraa girebaan
ai dast-e-junoon too ne nahiin taar bhii chhoDaa.
diin de ke gayaa kufr ke bhii kaam se aashik
tasbiih ke saath us ne to junnaar bhii chhoDaa.
goshe men terii chashm-e-siyah-mast ke dil ne
kii jab se jagah khaanaa-e-khummaar bhii chhoDaa.
is se hai griibon ko tasallii ke ajal ne
muflis ko jo maaraa to n jr-daar bhii chhoDaa.
TeDhe n ho ham se rakho ikhlaas to siidhaa
tum pyaar se rukate ho to lo pyaar bhii chhoDaa.
kyaa chhoDen asiiraan-e-mohabbat ko vo jis ne
sadake men n ik murg-e-giraftaar bhii chhoDaa.
pahunch merii rusavaaii kii kyoonkar khbar us ko
us shokh ne to dekhanaa akhbaar bhii chhoDaa.
karataa thaa jo yaan aane kaa jhooTaa kabhii ikraar
muddat se ‘zafar’ us ne vo ikraar bhii chhoDaa.
Subscribe to:
Post Comments (Atom)
No comments