paan kii surkhii nahiin lab par but-e-khoon-khvaar ke
lag gayaa hai khoon-e-aashik munh ko is talavaar ke.
khaal-e-aarij dekh lo halke men julf-e-yaar ke
maar-e-moharaa gar n dekhaa ho dahan men maar ke.
anjum-e-taabaan flak par jaanatii hai jis ko khlk
kuchh sharaare hain vo merii aah-e-aatish-baar ke.
toobaa-e-jannat se us ko kaam kyaa hai hoor-vash
jo ke hain aasoodaa saae men terii diivaar ke.
poochhate ho haal kyaa meraa kimaar-e-ishk men
jhaaD baiThaa haath main nakd-e-dil-o-diin haar ke.
ye huii taasiir ishk-e-koh-kan se sang-e-aab
ashk jaarii ab talak chashmon se hain kohasaar ke.
hai vo be-vahadat ke jo samajhe hai kufr o diin men frk
rakhatii hai tasbiih rishtaa taar se junnaar ke.
vaadaa-e-diidaar jo Thaharaa kyaamat par to yaan
roj hotii hai kyaamat shauk men diidaar ke.
hoshayaarii hai yahii kiije ‘jfr’ is se hajr
dekhie jis ko nashe men baadaa-e-pindaar ke.
Subscribe to:
Post Comments (Atom)
No comments