karenge ksd ham jis dam tumhaare ghar men aavenge
jo hogii umr bhar kii raah to dam bhar men aavenge.
agar haathon se us shiiriin-adaa ke jbah honge ham
to sharabat ke se ghoont aab-e-dam-e-khanjar men aavenge.
yahii gar josh-e-giryaa hai to bah kar saath ashkon ke
hajaaron paaraa-e-dil mere chashm-e-tar men aavenge.
gar is kaid-e-balaa se ab kii chhooTenge to fir haragij
n ham daam-e-freb-e-shokh-e-gaarat-gar men aavenge.
n jaate garache mar jaate jo ham maaloom kar jaate
ke itanaa tang jaa kar koochaa-e-dil-bar men aavenge.
girebaan-chaak laakhon haath se us mehar-e-talaat ke
b-rang-e-subah-e-mahashar arasaa-e-mahashar men aavenge.
jo sar-garadaanii apanii tere diivaane dikhaaenge
to fir kyaa kyaa bagole dasht ke chakkar men aavenge.
‘zafar’ apanaa karishmaa gar dikhaayaa chashm-e-saakii ne
tamaashe jaam-e-jam ke sab najr saagr men aavenge.
Subscribe to:
Post Comments (Atom)
No comments