na us kaa bhed yaarii se n ayyaarii se haath aayaa
khudaa aagaah hai dil kii khbar-daarii se haath aayaa.
na hon jin ke Thikaane hosh vo manjil ko kyaa pahunche
ke rastaa haath aayaa jis kii hushyaarii se haath aayaa.
huaa hak men hamaare kyoon sitam-gaar aasamaan itanaa
koii poochhe ke jaalim kyaa sitam-gaarii se haath aayaa.
agar-che maal-e-dunyaa haath bhii aayaa hariison ke
to dekhaa ham ne kis kis jillat o khvaarii se haath aayaa.
na kar jaalim dil-aajaarii jo dil manjoor hai lenaa
kisii kaa dil jo haath aayaa to dil-daarii se haath aayaa.
agar-che khaak-saarii kiimiyaa kaa sahal nuskhaa hai
v-lekin haath aayaa jis ke dushvaarii se haath aayaa.
huii haragij n tere chashm ke biimaar ko sehat
n jab tak jhar tere khtt-e-jangaarii se haath aayaa.
koii ye vahashii-e-ram-diidaa tere haath aayaa thaa
par ai sayyaad-vash dil kii giraftaarii se haath aayaa.
‘zafar’ jo do jahaan men gohar-e-maksood thaa apanaa
janaab-e-fkhr-e-diin kii vo madad-gaarii se haath aayaa.
Subscribe to:
Post Comments (Atom)
No comments