hai dil ko jo yaad aaii flak-piir kisii kii
aankhon ke tale firatii hai tasviir kisii kii.
giryaa bhii hai naalaa bhii hai aur aah o fugaan bhii
par dil men huii us ke n taasiir kisii kii.
haath aae hai kyaa khaak tere khaak-e-kaf-e-paa
jab tak ke n kismat men ho iksiir kisii kii.
yaaro vo hai bigaDaa huaa baaten n banaao
kuchh pesh nahiin jaane kii takriir kisii kii.
naajaan n ho munaim ke jahaan teraa mahal hai
hovegii yahaan pahale bhii taamiir kisii kii.
merii girah-e-dil n khulii hai n khulegii
jab tak n khule julf-e-girah-giir kisii kii.
aataa hai bhii agar hai to vo fir jaae hai ulTaa
jis vakt ulaT jaae hai takdiir kisii kii.
is abaroo o mijgaan se 'jfr' tej jyaadaa
khanjar n kisii kaa hai n shamashiir kisii kii.
jo dil se udhar jaae najr dil ho giraftaar
mujarim ho koii aur ho taksiir kisii kii.
Subscribe to:
Post Comments (Atom)
No comments