hamane duniyaa men aake kyaa dekhaa
dekhaa jo kuchh so khvaab-saa dekhaa
hai to insaan khaak kaa putalaa
lek paanii kaa bul-bulaa dekhaa
khoob dekhaa jahaan ke khoobaan ko
ek tujh saa n doosaraa dekhaa
ek dam par havaa n baandh habaab
dam ko dam bhar men yaan havaa dekhaa
n huye terii khaak-e-paa ham ne
khaak men aap ko milaa dekhaa
ab n diije "jfr" kisii ko dil
ki jise dekhaa bevafaa dekhaa
Subscribe to:
Post Comments (Atom)
No comments