kyoonke ham duniyaa men aae kuchh sabab khulataa nahiin
ik sabab kyaa bhed vaan kaa sab kaa sab khulataa nahiin.
poochhataa hai haal bhii gar vo to maare sharm ke
gunchaa-e-tasviir ke maanind lab khulataa nahiin.
shaahid-e-maksood tak pahunchenge kyoonkar dekhie
band hai baab-e-tamannaa hai gjb khulataa nahiin.
band hai jis khaanaa-e-jindaan men diivaanaa teraa
us kaa daravaajaa parii-roo roj o shab khulataa nahiin.
dil hai ye gunchaa nahiin hai is kaa ukdaa ai sabaa
kholane kaa jab talak aave n Dhab khulataa nahiin.
ishk ne jin ko kiyaa khaatir-giraftaa un kaa dil
laakh hove garache saamaan-e-tarab khulataa nahiin.
kis tarah maaloom hove us ke dil kaa muddaa
mujh se baaton men 'zafar' vo gunchaa-lab khulataa nahiin.
Subscribe to:
Post Comments (Atom)
No comments