dil kii merii bekraarii mujh se kuchh poochho nahiin
shab kii merii aah-o-jaarii mujh se kuchh poochho nahiin
baar-e-gm se mujh pe roj-e-hijr men ik-ik ghaDii
kyaa kahoon hai kaisii bhaarii mujh se kuchh poochho nahiin
merii soorat hii se bas maaloom kar lo ham-damo
tum hakiikt merii saarii mujh se kuchh poochho nahiin
shaam se taa-subah jo bistar pe tum bin raat ko
mainne kii akhtar-shumaarii mujh se kuchh poochho nahiin
ai "jfr" jo haal hai meraa karoongaa gar bayaan
hogii un kii sharm-saarii mujh se kuchh poochho nahiin
Subscribe to:
Post Comments (Atom)
No comments