jab ke pahaloo men hamaare but-e-khud-kaam na ho
girye se shaam o sahar kyoon ke hamen kaam na ho.
le gayaa dil kaa jo aaraam hamaare yaa rab
us dil-aaraam ko mutalak kabhii aaraam na ho.
jis ko samajhe lab-e-paan-khurdaa vo maalidaa-misii
mardumaan dekhiyo foolii vo kahiin shaam na ho.
aaj tashariif gulistaan men vo mai-kash laayaa
kaf-e-nargis pe dharaa kyoonke bhalaa jaam na ho.
kar mujhe ktl vahaan ab ke n ho koii jahaan
taa merii jaan too kahiin khlk men bad-naam na ho.
dekh kar kholiyo too kaakul-e-pechaan kii girah
ke meraa taair-e-dil us ke tah-e-daam na ho.
bin tere ai but-e-khud-kaam ye dil ko hai khtar
tere aashik kaa tamaam aah kahiin kaam na ho.
aaj har ek jo yaaro najr aataa hai niDhaal
apanii abaroo kii vo khiinche hue samasaam na ho.
hai mere shokh kii baaliidaa vo kaafir aankhen
jis ke ham chashm jraa nargis-e-baadaam na ho.
subh hotii hii nahiin aur nahiin kaTatii raat
rukh pe khole vo kahiin julf-e-siyah-faam na ho.
ai ‘jfr’ charkh pe khurshiid jo yoon kaanpe hai
jalavaa-gar aaj kahiin yaar lab-e-baam na ho.
Subscribe to:
Post Comments (Atom)
No comments