kya faqat taalib-e-deedaar tha moosa tera
vahee shaida tha tira main nahin shaida tera
deeda-e-shauq se be-vajah hai parda tera
kis ne dekha nahin in aankhon se jalva tera
khud nazaakat pe na kyoon bojh ho parda tera
kya kisee aankh ne dekha nahin jalva tera
mit gaee shorish-e-toofaan-e-havaadis ai mauj
ab vahee too vahee bahata hua dariya tera
chain se shahar-e-khamoshaan mein har ik sota hai
aasara sab ko hai ai vaada-e-farda tera
manzilat ek kee bhee hogee na vaisee ba-khuda
hashr mein aaega jis shaan se roosva tera
zindagee kahatee hai aramaan koee ab hai na ummeed
kab talak saath karoon main tan-e-tanha tera
be-sabab meree khamoshee nahin ai shaahid-e-husn
daaman-e-sabr se dhankata nahin parda tera
yoon habaabon ka na dil tod khuda-ra ai mauj
inheen qataron ke to milane se hai dariya tera
vahee rangat vahee khushaboo vahee naazuk-badanee
phool ne naqsh utaara hai saraapa tera
tujh se milane ka jo hai shauq to dar dar na phire
paanv tode hue baitha rahe shaida tera
ai gul aatee hai khizaan baag mein thahara na mujhe
dekhoon in aankhon se utara hua chehara tera
kaash zaahid rookh-e-raushan se utha len vo naqaab
phir to kuchh rind kee rindee hai na taqva tera
apane may-khaane se ghabara ke main baahar aaya
jab haram se koee nikala na shanaasa tera
us pe kya zor bhala jis pe ho us ka qaaboo
chashma-e-shauq apanee sahee dil to hai shaida tera
justujoo shart hai mil jaega zeena bhee zaroor
saamane hai nazar-e-shauq ke mukhada tera
vusat-e-qadarat-e-haq hogee na mahadood kabhee
nahin milane ka sira zulf-e-chaleepa tera
bazm-e-aakhir hai taqaaza na kar ai mahafil-e-shauq
ab kahaan saaf bhala saagar o sahaba tera
‘shaad’ gazalen nahin aayaat-e-zuboor in ko samajh
lahan-e-daood se kuchh kam nahin nagma tera
ab javaanee kee umangen na umangon kee khushee
‘shaad’ ko hai faqat ai mauj sahaara tera
Subscribe to:
Post Comments (Atom)
No comments