kuchh kahe jaata tha garq apane hi afsaane mein tha
marate marate hosh baaqee tere deevaane mein tha
hae vo khud-raftagee ulajhe hue sab sar ke baal
vo kisee mein ab kahaan jo tere deevaane mein tha
jis taraf jae nazar apana hee jalva tha ayaan
jism mein ham the ki vahashee aaeena-khaane mein tha
boriya tha kuchh shabeena may thee ya toote suboo
aur kya is ke siva maston ke veeraane mein tha
hansate hansate ro diya karate the sab be-ikhtiyaar
ik naee tarakeeb ka dard apane afsaane mein tha
doon kee leta to hai zaahid magar main kya kahoon
muttaqee saaqee se badh kar kaun may-khaane mein tha
paas tha zanjeer tak ka tauq par kya munahasir
vo kisee mein ab kahaan jo tere deevaane mein tha
der tak main takatakee baandhe hue dekha kiya
chehara-e-saaqee numaayaan saaf paimaane mein tha
hae paravaane ka vo jalana vo raano sham ka
main ne roka varna kya aansoo nikal aane mein tha
khud-garaz duniya kee haalat qaabil-e-ibarat thee ‘shaad’
lutf milane ka na apane mein na begaane mein tha
‘shaad’ kuchh poochho na mujh se mere dil ke daag ko
timatimaata sa charaag ik apane veeraane mein tha
Subscribe to:
Post Comments (Atom)
No comments