zahar kee chutakee hee mil jae barae dard-e-dil
kuchh na kuchh to chaahie baaba dava-e-dard-e-dil
raat ko aaraam se hoon main na din ko chain se
hae hai vahashat-e-dil hae hae dard-e-dil
dard-e-dil ne to hamen be-haal kar ke rakh diya
kaash koee aur gam hota bajae dard-e-dil
us ne ham se khairiyat poochhee to ham chup ho gae
koee lafzon mein bhala kaise batae dard-e-dil
do baalaen aaj kal apanee shareek-e-haal hain
ik balae dard-e-duniya ik balae dard-e-dil
zindagee mein har tarah ke log milate hain shuoor
aashna-e-dard-e-dil na-aashna-e-dard-e-dil
Subscribe to:
Post Comments (Atom)
No comments