sulaimaan-e-sukhan to khair kiya hoon
yake az shahar-e-yaaraan-e-saba hoon
vo jab kahate hain farda hai khush-aaind
ajab hasarat se mud kar dekhata hoon
firaaq ai maan ke main zeena-ba-zeena
kalee hoon gul hoon khush-boo hoon saba hoon
sahar aur dopahar aur shaam aur shab
main in lafzon ke maana sochata hoon
kahaan tak kaahilee ke taan sunata
thakan se choor ho kar gir pada hoon
taraqqee par mubaarak baad mat do
rafeeqo mein akela rah gaya hoon
kabhee rota tha us ko yaad kar ke
ab aksar be-sabab rone laga hoon
sune vo aur phir kar le yaqeen bhee
badee tarakeeb se sach bolata hoon
Subscribe to:
Post Comments (Atom)
No comments