go kathin hai tay karana umr ka safar tanaha
laut kar na dekhoonga chal pada agar tanaha
sach hai umr bhar kis ka kaun saath deta hai
gam bhee ho gaya rukhsat dil ko chhod kar tanaha
aadamee ko gum-raahee le gaee sitaaron tak
rah gae bayaabaan mein hazarat-e-khizr tanaha
hai to vajh-e-rusavaee meree ham-rahee lekin
raaston mein khatara hai jaoge kidhar tanaha
ai shuoor is ghar mein is bhare pade ghar mein
tujh sa zinda-dil tanaha aur is qadar tanaha
Subscribe to:
Post Comments (Atom)
No comments