vaada-e-shaam-e-fardaan pe ai dil mujhe gar yaqeen hee na aae to main kya karoon
un kee jhoothee tasallee ke toofaan mein nabz-e-dil doob jae to main kya karoon
main ne maangee thee ye masjidon mein dua main jise chaahata hoon vo mujh ko mile
jo mera farz tha main ne poora kiya ab khuda bhool jae to main kya karoon
saare jhagade agar mere jeene ke hain to gala ghont do main bhee be-zaar hoon
maut aab tak to daaman bachaatee rahee to bhee daaman bachae to main kya karoon
too na samajhega haragiz mere naaseha meree may-noshiyaan meree bad-mastiyaan
mujh pe tohamat na rakh main sharaabee nahin vo nazar se pilae to main kya karoon
tum mujhe be-vafaee ke taane na do mere mahaboob main be-vafa to nahin
tum bhee magaroor ho main bhee khud-daar hoon aankh khud hee bhar aae to main kya karoon
Subscribe to:
Post Comments (Atom)
No comments