main to samajha tha jis vaqt mujh ko vo milenge to jannat milegee
kya khabar thee rah-e-aashiqee mein saath un ke qayaamat milegee
main nahin jaanata tha ki mujh ko ye mohabbat kee qeemat milegee
aansuon ka khazaana milega chaaq-daaman kee daulat milegee
phool samajhe ne the zindagaanee is qadar khoob-soorat milegee
ashq ban kar tabassum milega dard ban kar masarrat milegee
meree roosavaiyon pe na khush ho meree deevaanagee ko dua do
tum ko jitanee bhee shoharat milegee sirf meree badaulat milegee
dil hamaara na todo khuda-ra varana kho doge apana sahaara
zarre zarre mein in aaeene ke tum ko apanee hee soorat milegee
un ke rookh se naqaab aaj utthegee ab nazaaron kee meraaj hogee
ek muddat se aaj ahal-e-gam ko muskaraane kee mohalat milegee
kaise saabit qadam vo rahega us kee tauba ka kya hal hoga
jis ko sunate hain shaikh-e-haram se may-kasheen kee ijaazat milegee
Subscribe to:
Post Comments (Atom)
No comments