kisee soorat bhee neend aatee nahin main kaise so jaoon
koee shay dil ko bahalaatee nahin main kaise so jaoon
akela pa ke mujh ko yaad un kee aa to jaatee jai
magar phir laut kar jaatee nahin main kaise so jaoon
jo khvaabon mein mere aa kar tasallee mujh ko detee thee
vo-soorat ab nazar aatee nahin main kaise so jaoon
tumheen to ho shab-e-gam mein jo mera saath dete ho
sitaaron tum ko neend aatee nahin main kaise so jaoon
jise apana samajhana tha vo aankh ab apanee dushman hai
ki ye rone se baaz aatee nahin main kaise so jaoon
teree tasveer jo toote hue dil ka sahaara thee
nazar vo saaf ab aatee nahin main kaise so jaoon
ghata jo dil se uthatee hai miza tak to aa jaatee hai
magar aankh us ko barasaatee nahin main kaise so jaoon
sitaare ye khabar lae kee ab vo bhee pareeshaan hain
suna hai un ko neend aatee nahin main kaise so jaoon
Subscribe to:
Post Comments (Atom)
No comments