main bazm-e-tasavvur mein use lae hue tha
jo saath na aane kee qasam khae hue tha
dil jurm-e-mohabbat se kabhee rah na saka baaz
haalaanki bahut baar saza pae hue tha
ham chaahate the koee sune baat hamaaree
ye shauq hamen ghar se nikalavae hue tha
hone na diya khud pe musallat use main ne
jis shakhs ko jee jaan se apanae hue tha
baithe the shoor aaj mere paas vo gum-sum
main khoe hue tha na unhen pae hue tha
Subscribe to:
Post Comments (Atom)
No comments