ab tak to nuur-o-niKhat-o-rang-o-sadaa kahuu
main tujh ko chhuu sakuu to Khudaa jaane kyaa kahuu
lafzo se un ko pyaar hai mafhuum se mujhe
vo gul kahen jise main teraa naqsh-e-paa kahuu
ab justajuu hai terii jafaa ke javaaz kii
jii chaahataa hai tujh ko vafaa aashnaa kahuu
sirf is ke liye ke ishq isii kaa zahuur hai
main tere husn ko bhii sabuut-e-vafaa kahuu
tuu chal diyaa to kitane haqaa_iq badal gaye
najm-e-sahar ko marqad-e-shab kaa diyaa karun
kyaa jabr hai ke but ko bhii kahanaa pade Khudaa
vo hai Khudaa to mere Khudaa tujh ko kyaa kahuun
jab mere muu.Nh me.n merii zubaan hai to kyuu na main
jo kuchh kahuu yaqii se kahuu barmalaa kahuu
kyaa jaane kis safar pe ravaan huu azal se mai
har intahaa ko ek nai ibtidaa kahu
ho kyuu.N na mujh ko apane mazaaq-e-suKhan pe naaz
Gaalib ko kaa_inaat-e-suKhan kaa Khudaa kahuu
Subscribe to:
Post Comments (Atom)
No comments