tumhaare lahaje mein jo garmii-o-halaavat hai
ise bhalaa saa koi naam do vafaa kii jagah
ganiim-e-nuur kaa hamalaa kaho a.Ndhero.n par
dayaar-e-dard mein aamad kaho masiihaa kii
ravaa.N-davaan hue Khushbuu ke qaafile har suu
Khalaa-e-subah me.n guunjii sahar kii shahanaa_ii
ye ek koharaa saa ye dhu.Ndh sii jo chhaa_ii hai
is iltahaab mein surmagiin ujaale mein
sivaa tumhaare mujhe kuchh nazar nahii.n aataa
hayaat naam hai yaadon kaa talKh aur shiirii
bhalaa kisii ne kabhii rang-o-buu ko pakadaa hai
shafaq ko qaid mein rakhaa sabaa ko band kiyaa
har ek lamahaa gurezaa hai jaise dushman hai
na tum milogii na main ham bhii dono lamhe hai
vo lamhe jaake jo vaapas kabhii nahi aate
Subscribe to:
Post Comments (Atom)
No comments