kisii se kabhii dil lagaayaa na thaa
muhabbat kaa sadamaa uThaayaa na thaa
hasiino ke rone pe ha.Nsate the ham
kabhii ek aansuu bahaayaa na thaa
koi huur ho yaa parii apanaa sar
kisii aastaa.N par jhukaayaa na thaa
siyaah gesuuon ko tamannaa rahii
magar dil ko ham ne pha.Nsaayaa na thaa
zamaane mein vo kaun thaa zoharaa_vash
ke siine se jis ne lagaayaa na thaa
basar kii sadaa aish-o-isharat me.n umr
kabhii ranj ham ne uThaayaa na thaa
magar ik jhalak ne hame.n kho diyaa
ye sadamaa to ham ne uThaayaa na thaa
kiyaa ishq ke dard me.n mubtilaa
"falak tuu ne itanaa hansaayaa na thaa
ke jis ke ivaz yuun rulaane lage"
Subscribe to:
Post Comments (Atom)
No comments