main jahaan tum ko bulaataa huu.N vahaa.N tak aao
merii nazaron se guzar kar dil-o-jaa.N tak aao
phir ye dekho ki zamaane kii havaa hai kaisii
saath mere mere firdaus-e-javaa.N tak aao
teG kii tarah chalo chhod ke aagosh-e-niyaam
tiir kii tarah se aaGosh-e-kamaa.N tak aao
phuul ke gird phiro baaG me.n maanind-e-nasiim
misl-e-paravaanaa kisii sham-e-tapaan tak aao
lo vo sadiyon ke jahannum kii hade Khatm hui
ab hai firdaus hii firdaus jahaa.N tak aao
chho.D kar vaham-o-gumaa.N husn-e-yahqiin tak pahuncho
par yaqeen se bhii kabhii vaham-o-gumaan tak aao
Subscribe to:
Post Comments (Atom)
No comments